مساء او صباح الخير , اما بعد :
من مساق النور ابي عن شعوري ترجمان
لين شمس العصر سد الرقيبه تحتضر
كل ليل اقول وقت القصيد العذب حان
ومع هبوبه كل طاري من اللهفه حضر
تامن اسراب المخاوف تحت ضل الامأن
" مثل مايستامن المجد في هيبة مضر "
يا مهاة الصيد يا فتنة الغيد الحسان
استحلي وارتعي روضة القلب الخضر
عنقك اللي فيه لول وعقيق وكهرمان
لو عليه تعلقين القصايد ما يضر
خف نفس و لين جانب" و ثقل و عنفوان "
مختلط سمت البداوه على سمت الحضر
مير عن واهج شعوري وتمتمة اللسان
تدري ان قلبي يراوي وعيني تنتظر
امتلا بطن المشاريه بـ ضروف الزمان
وجيتي وكن المعاذير مقصورة نظر
اسئله واجد ولا عاد لـ اسئلتي مكان
رحت معها مثل موسى وهي مثل الخضر
من رمى بشت المعزه على سفح الهوان
مادرا ان الوصل مافيه مهدي منتظر
